Қазақстандықтар мемлекеттік қызметтерді халыққа қызмет көрсету орталықтарына (ХҚО) бармай-ақ, электрондық портал көмегімен алуға дағдылана бастады. Нәтижесінде ХҚО-лар жүктемесі де азайды.
Қазіргі таңда «Азаматтарға арналған үкімет» мемлекеттік корпорациясының ел бойынша 341 фронт-офисі (ХҚО) халыққа 621 мемлекеттік қызмет ұсынады, ал 452 қызметті электрондық үкімет порталы арқылы алуға болады.
Мемлекеттік корпорация фронт-офистердің жұмысын сараптап, Қазақстанның кейбір аймақтарында ХҚО-лардың жүктемесі азайғанын анықтады. Мәселен, Алматы қаласында Тынышбаев көшесі 3-үй мекенжайында орналасқан, ауданы 75 шаршы метрді құрайтын №2 Түркісіб аудандық бөлімі қосымша кеңсе ретінде ашылған болатын. Штатта 16 маман жұмыс істейтін бөлім 2017 жылы 10 506 қызмет ұсынғанын ескерсек, орта есеппен бір маман күніне 5-6 қызмет көрсеткен. Ал негізгі кеңсе — №1 Түркісіб аудандық бөлімінде былтыр 613 598 мемлекеттік қызмет көрсетілді, яғни, орта есеппен алғанда, бір маман жүктемесі күніне 25 қызметті құрады. Сондай-ақ бұл екі кеңсенің ара қашықтығы бір шақырымға да жетпейді екен. Жүргізілген сараптаманың нәтижесінде республика бойынша жүктемесі айтарлықтай азайған тағы 28 ХҚО анықталды.
Осы негізде штаттық кестенің тиімділігі мен мемлекеттік қызметтерді көрсету сапасын арттыру үшін Қазақстан бойынша 29 фронт-офисті жауып, жұмысшыларды аумақтық құрылымның негізгі бөліміне ауыстыру туралы шешім қабылданды.
2018 жылғы 30 сәуірден бастап Алматы қаласындағы мына фронт-офистер қызметін тоқтатады:
1. №2 Алмалы ХҚО (Абылай хан даңғылы, 74А);
2. №2 Бостандық ХҚО (Бабаев көшесі, 33);
3. №2 Жетісу ХҚО (Құлагер ықшамауданы, 59, 2-қабат);
4. №2 Түркісіб ХҚО (Тынышбаев көшесі, 3);
2018 жылғы мамыр айының соңына дейін мына фронт-офистер қызметін тоқтатады:
Алматы облысы
5. Еңбекшіқазақ ауданы (Есік қаласы, Алматы көшесі, 209);
Ақтөбе облысы
6. Алға ауданы (Алға қаласы, Байтұрсынов көшесі, 15);
7. Мәртөк ауданы (Мәртөк ауданы, Байғанин көшесі, 114/1);
8. Темір ауданы (Шұбарқұдық ауылы, Асау Барақ көшесі, 7А);
9. Әйтеке би ауданы, (Комсомол ауылы, Алтынсарин көшесі, 3);
Жамбыл облысы
10. Т. Рысқұлов ауданы (Құлан ауылы, Жібек жолы көшесі, 105);
11. Шу ауданы (Төле би, Балуан Шолақ, 192);
Қарағанды облысы
12. Жезқазған қаласы (Гагарин көшесі, 25);
13. Сәтпаев қаласы (Сатпаев көшесі, 102А);
Қостанай облысы
14. Қостанай қаласы (Баймағамбетов, 195)
Оңтүстік Қазақстан облысы
15. Шымкент қаласы (Темірлан тас жолы, н/ү);
16. Шымкент қаласы (Орманов көшесі, 26);
17. Шымкент қаласы (Республика даңғылы, 15);
18. Шымкент қаласы (Бәйдібек би көшесі, н/ү);
19. Сайрам ауданы (Ақсукент ауылы, Абылай хан көшесі, н/ү);
20. Арыс қаласы (Төле би көшесі, н/ү);
21. Бәйдібек ауданы (Шаян ауылы, Б. Қарашұлы көшесі, 69);
22. Кентау қаласы (Бәйтереков көшесі, 7);
23. Қазығұрт ауданы (Қазығұрт ауылы, Сабыр Рахымов көшесі, 1);
24. Мақтаарал ауданы (Жетісай ауылы, Қожанов көшесі, н/ү);
25. Ордабасы ауданы (Темірлан ауылы, Абай көшесі, 41 а);
26. Созақ ауданы (Шолаққорған ауылы, Жібек жолы көшесі, н/ү);
27. Түлкібас ауданы (Т.Рысқұлов ауылы, Т.Рысқұлов көшесі, 282);
28. Шардара ауданы (Шардара қаласы, Әл-Фараби көшесі, н/ү);
29. Сарыағаш ауданы (Абай ауылы, Қонаев көшесі,14).