Жамбыл облысының экс-әкімі жаңа қызметке тағайындалды

Жамбыл облысының бұрынғы әкімі Кәрім Көкірекбаев жаңа қызметке тағайындалды.
«Мемлекет басшысының Жарлығымен Кәрім Насбекұлы Көкірекбаев Қазақстан Республикасының Қырғыз Республикасындағы Төтенше және Өкілетті Елшісі қызметіне тағайындалды», — делінген хабарламада. Осы орайда, Мемлекет басшысының Жарлығымен Айымдос Ерсайынұлы Бозжігітов Қазақстан Республикасының Қырғыз Республикасындағы Төтенше және Өкілетті Елшісі қызметінен босатылды. Кәрім Насбекұлы Көкірекбаев әр жылдары Жамбыл облысы, Мойынқұм ауданының әкімі, Табиғи ресурстар және қоршаған ортаны қорғау вице-министрі, «ЭйрҚазақТур» ЖШС-ның бас директоры, «Қазақстан темір жолы» Ұлттық компаниясында вице-президент, басқарушы директор, даму жөніндегі вице-президент, бас инженер болып қызмет еткен.
Дереккөз: tengrinews.kz


Оқи отырыңыз

Пікір қалдыру

Пікір қалдыру
X