Жамбыл облысы әкімдігі ішкі саясат басқармасы «Өңірлік коммуникациялар қызметінің» алаңында облыстық статистика департаментінің басшысы Сырым Мадиевтың қатысуымен баспасөз конференциясы өтті. Сырым Өскенбайұлы өңірдің 2018 жылғы әлеуметтік-экономикалық дамуының алдын ала қорытындылары туралы баяндап, журналистердің сұрақтарына жауап берді.
2018 жылы Жамбыл облысы экономикасының нақты секторында және әлеуметтік саласында оң өсу үрдісі жалғасты. Өнеркәсіп өндірісінің, ауыл шаруашылығы өнімдерін өндірудің, жүк айналымының, бөлшек және көтерме сауда айналымының көлемдері артты. Жалақы мен нақты ақшалай табыстар өсті.
Өнеркәсіп өндірісі өңірдің экономикасында жетекші орындардың бірін иеленуді жалғастыруда, мұнда Жамбыл облысының ЖӨӨ 17%-дан астамы қалыптасады. Сондықтан, өнеркәсіп өндірісінің даму қарқыны тұтастай алғанда өңірдегі экономикалық даму екпіні үшін анықтаушы болып саналады.
Ағымдағы есепті деректерге сәйкес, 2018 жылы өнеркәсіп өндірісінің индексі 2017 жылмен салыстырғанда 102,6%-ды, оның ішінде экономикалық қызмет түрлері бойынша: «Кен өндіру өнеркәсібі және карьерлерді қазу» — 106,1%, «Өңдеу өнеркәсібі» -103,2%, «Электрмен жабдықтау, газ, бу беру және ауаны баптау» — 90,3%, «Сумен жабдықтау; кәріз жүйесі, қалдықтардың жиналуын және таратылуын бақылау» саласында — 106,4%-ды құрады.
Өңдеуші салада ең жоғарғы өсім 2017 жылға қарағанда фосфор өндірісі бойынша – 32,6%-ға дерлік, ортофосфор қышқылын өндіру 71%-ға, натрий цианиді – 40,8%-ға, ферросиликомарганец өндіру – 42,9%-ға артты.
Ауыл шаруашылығы өнімінің жалпы көлемі 2018 жылы алдын ала деректер бойынша 264822,4 млн. теңгені құрады және салыстырмалы бағалауда 2017 жылмен салыстырғанда 6,1%-ға өсті. Барлық санаттағы шаруашылықтардың ауыл шаруашылығы өнімдерінің құрылымында мал шаруашылығы өнімдеріне 45,4% тиесілі, өсімдік шаруашылығы өнімдерінің үлесі 54,3%-ға дейін артты. 2017 жылмен салыстырғанда өсімдік шаруашылығы өнімдерінің көлемі 7,6%-ға, мал шаруашылығының өнімдері 4,5%-ға өскені байқалды.
Мүйізді ірі қара малының саны барлық санаттағы шаруашылықтарда 2018 жылғы желтоқсанның соңына алдыңғы жылдың сәйкес кезеңімен салыстырғанда 10,3%-ға, қой мен ешкі – 6,8%-ға, жылқы -9,5%-ға, құс 35,7%-ға өсті. Алайда, шошқа саны 26,2%-ға кеміді.
2018 жылы 2017 жылмен салыстырғанда мал мен құстың барлық түрлерінің сойылғаны және союға өткізілгені (тірідей салмақта) 5,1%-ға, сүт – 2,9%-ға, жұмыртқа өндіру – 9,2%-ға артты.
Барлық санаттағы шаруашылықтарда алдын ала деректер бойынша 2017 жылмен салыстырғанда дәнді және бұршақ тұқымды дақылдардың жалпы түсімі 15%-ға, майлы дақылдар – 3,2%-ға, картоп – 8,4%-ға, ашық топырақта өсетін көкөністер – 13,2%-ға өсті.
2018 жылы негізгі қорға салынған инвестиция алдын ала бағалау бойынша 255004 млн. теңгені немесе алдыңғы жылдың деңгейіне 108,4%-ды құрады.
Негізгі қорға салынған инвестицияның едәуір үлесі өңдеу өнеркәсібіне (16,6%), көлік және қоймалауға (15,2%), электрмен жабдықтау, газ, бу беру және ауаны баптауға (14,9%), жылжымайтын мүлікпен операцияларға (13,4%) және ауыл, орман және балық шаруашылығына (9,2%) тиесілі.
2018 жылы «Құрылыс» қызмет түрі бойынша атқарылған жұмыс көлемі 1256160млн. теңгені немесе 2017 жылдың деңгейіне 105%-ды құрады.
Өңірде 119,8 мың шаршы метр жалпы аумақпен 18 көп пәтерлі үйлер, жалпы аумағы 360,7 мың шаршы метр 2584 жеке үйлер және 1,8 мың шаршы метрлік 1 жанұялық үлгідегі жатақхана пайдалануға берілді.
2018 жылы келесі әлеуметтік объектілер салынды:
- 2415 орындық 28 мектепке дейінгі ұйым;
- 3288 орындық 7 жалпы білім беретін мектеп;
- аусымына 178 келушіге арналған 17 амбулаторлы-емханалық мекеме.
ЖӨӨ өсуінің анықтаушы факторына тұтыну белсенділігі жатады.
2018 жылы бөлшек сауда айналымы 279296,9 млн. теңге көлемінде қалыптасты және 2017 жылғы деңгейдегі салыстырмалы бағада 5,9%-ға артты. Бөлшек сауда айналымының құрылымында үлес салмағы 61,7%-ды құрайтын азық түлікке жатпайтын тауарлар басым. Көтерме сауда көлемі салыстырмалы бағалармен 2017 жылғы тиісті кезеңмен салыстырғанда 10,1%-ға артып, 205840 млн. теңгені құрады.
ЕАЭО елдерімен облыстың өзара сауда тауар айналымы 2018 жылғы қаңтар-қарашада 229,3 млн. АҚШ долларына немесе 2017 жылғы сәйкес кезеңдегіден 11,2%-ға артты, оның ішінде: экспорт — 97,7 млн. АҚШ доллары (87,7%-ға артық), импорт — 131,6 млн. АҚШ доллары (14,6%-ға кем).