Жамбыл облысы Өңірлік коммуникациялар қызметінде «Статистикалық есептіліктер нысандарын «он-лайн» режимінде тапсыру туралы және мемлекеттік статистикалық есептіліктерді ұсыну тәртібін бұзғаны үшін респонденттердің жауаптылығы туралы» тақырыбында брифинг өтті.
Брифинг барысында Жамбыл облысы Статистика департаменті басшысының орынбасары Тоққұлиев Ерлан Әбдіқапарұлы баяндама жасады.
Ерлан Әбдіқапарұлының мәліметіне сүйенсек, мемлекеттік статистика органдарының негізгі мақсаты ресми статистикалық ақпараттармен қоғамның қажеттілігін қанағаттандыру болып табылады. Оны өндіру үшін Жамбыл облысы Статистика департаментінің статистикалық жұмыс Жоспарына сәйкес, жалпы мемлекеттік статистикалық бақылаулар жүргізіледі. Сіз осы құжатпен Қазақстан Республикасы Ұлттық экономика министрлігі Статистика комитетінің www.stat.gov.kz Интернет-ресурсында танысуыңызға болады.
Мемлекеттік статистика органдарына респонденттер тапсыратын деректердің сапасын арттыру және есептік тәртіпті жақсарту мақсатында, Статистика комитеті есептерді электрондық түрде жинау бойынша «on-line режимінде деректерді жинау» ақпараттық жүйесін дайындап енгізді. Бұл респонденттерге кеңседен шықпай Статистика комитетіне интернет-портал арқылы статистикалық есептерді нақты уақыт режимінде ұсынуға мүмкіндік береді. 2016 жылы респонденттерден on-line режимінде 102 мың есептер қабылданып, өткен жылғы сәйкес кезеңмен салыстырғанда 3,6 есеге артты. Статистикалық есептерді электрондық түрде тапсыруға ниет білдірушілердің барлығы халыққа қызмет көрсету Орталықтарынан заңды және жеке тұлғалардың электрондық сандық қолтаңбасын (ЭСҚ) алу қажет. Оған қоса, жылдық нысандардың көпшілігін, әсіресе тоқсандық және жылдық нысандарға қатысты, өткен жылғы 20 желтоқсаннан бастап тапсыру үшін кіруге болатындықтан, респонденттерге есептерді соңғы мерзімнен ертерек тапсыруға кірісуді ұсынамыз. Статистика комитетінің интернет-ресурсында Жеке кабинетте тіркелген респонденттер үшін нысандарды ашу мерзімі қолжетімді, онда жалпы мемлекеттік статистикалық нысандарды электронды түрде тапсыруға мүмкіндік беріп қана қоймай, ұсынылған есептер бойынша хабарландыруларды көруге болады.
Техникалық мүмкіндігі жоқ респонденттер үшін Жамбыл облысының Статистика департаментінде есептерді электрондық түрде тапсыруға арналған интернет-кластар жабдықталған. Онда қалалық және аудандық Статистика басқармаларындағы сияқты электрондық статистикалық нысандар тапсыруға кіру мүмкіндігі берілген және респонденттерге барлық процестер бойынша ЭСҚ қондырудан бастап, есептерді енгізу, бақылау және Статистика комитетінің ішкі порталына статистикалық есептерді жөнелтуге дейінгі консультативтік көмек көрсетіледі. Есептерді электрондық түрде ұсыну жөнінде қиындықтар тудыратын барлық мәселелер бойынша Жамбыл облысы Статистика департаментіне, 121 бөлмеге респонденттермен жұмыс басқармасына (байланыс телефоны 45-66-23) хабарласуларыңызды сұраймыз. Қазіргі кезде есептерді on-line режимінде тапсыруға жеке кәсіпкерлерді тарту жұмыстары жүргізіліп жатыр, — деп ӨКҚ-де өткен брифинг барысында Ерлан Әбдіқапарұлы мәлімдеді.